نعت رسول مقبول صلی اللہ علیہ وسلم | سارے جگ دے معلم میرے مصطفی

 نعت رسول مقبول صلی اللہ علیہ وسلم 

*سارے جگ دے معلم میرے مصطفی* 

*جنا پتھراں نوں کلمہ پڑھا چھوڑیا اے* 

------------

*اس دی تعلیم دا ہے اثر دوستو*

*ہے جو صدیق بنیا ابو بکر دوستو*

*سارا کنبہ قبیلہ تے دینار و زر*

*سوہنے مدنی توں جس نے لٹا چھوڑیا اے*

------------

*سارے جھگڑے تے رولے کیویں ہوسن حل*

*سوہنے مدنی سیکھائی ہے اک اک گل*

*حق و باطل دا جھگڑا ہے آج جو پیا*

*سوہنے مدنی ازل توں مکا چھوڑیا اے*

------------

*رب دا قرآن پڑھ پڑھ ہے کیتا بیاں*

*اس دی وحدانیت دا ہے کیتا علا*

*جہڑے ہجرہ تے شجرہ نو سن پوجدے*

*سوہنے اک رب دے در تے جھکا چھوڑیا اے*